Goza daiteke gehiago: Euskaldun baten hizkuntza-bidaia (Basque Edition)

Euskararen erabilerak izan duen bilakaerak agerian jartzen du aldaketa sakona dela hizkuntz ohitura berriak barneratzea. Azken hamar urteotan euskararen erabilera ez da igo, ez jaitsi, eta noraezean gabiltza askotan, erabilera indartzeko eta sustatzeko zer egin jakin gabe. Energia agortzen ari dela dirudi, eta iritzi pesimistak nagusitzen ari dira: esaterako, euskararen erabilerak goia jo duela.

Liburu honek frogatu nahi du euskararen erabileraren marka erraz hobetu dezakegula euskal hiztunok. Legeek, arauek, hezkuntza-ereduek, eta baldintza soziolinguistikoek eragin handia dute, baina ez dira erabakigarriak.

Euskararen erabilerari buruzko hausnarketa freskoa aurkituko duzu liburu honetan, eguneroko adibideen bitartez argi azalduta, eta erraz ulertzeko moduan idatzita.

Goza dezazula.